Örlög álfafólksins 4: Álagaflautan

Öll von virðist úti. Freyjubrá getur ekki hreyft sig. Hún er sú eina á eyðisléttunni sem ekki er alveg búin að breytast í tré. Kemur einhver þeim til bjargar? Eru þetta endalok álfanna? Freyjubrá og álfaherinn hafa verið hneppt í álög. Allt virðist vonlaust en örlítill vonarneisti heldur þeim á lífi. Brómstilkur og félagar hans hafa verið teknir til fanga í höll Hroka konungs. Dvergdepla drottning, sem hafði flúið upp til fjalla, leggur í hættuför til að bjarga álfunum með dularfullum en hæfileikaríkum álfi. Á leið þeirra til álfanna einbeitir hann sér við að búa til einhvað úr trjágrein. Hvað ætli það sé? Hvernig getur það skipt máli? Brómstilkur og félagar hans reyna að finna leið til að flýja úr greipum stálhnefanna. Munu álfarnir ná að sameinast og sigra myrkrið sem hefur heltekið álfalandið? Serían Örlög álfafólksins er fullkomin fyrir þá sem vilja upplifa ævintýralega baráttu fulla af töfrum og spennu í anda Deltora Quest.